اعطاء لبن بقرى للطفل قبل ٦ شهور بيجيب سكر للطفل

اعطاء لبن بقرى للطفل قبل ٦ شهور بيجيب سكر للطفل

سكر النوع الاول type one diabetes  وده الاكثر شهرة وشيوعا فى الاطفال عشان يحصل لازم يتوافر شرطان وهما :

1- استعداد جينى genetic susceptibility

الطفل ده بيتولد بجينات معينة certain markers  على سطح كرات الدم البيضاء بتاعته وعشان كدة بنسميها HLA  وده اختصار معروف ومشهور بنقصد به human leucocyte antigen  يعنى انتيجنات معينة موجودة على سطح خلايا كرات الدم البيضاء للطفل ده دونا عن غيره من الاطفال . بس الجينات دى مش هاتعبر عن نفسها ومش هايظهر مرض السكر على الطفل الا فى وجود الشرط الثانى وهو :

2- عوامل بيئية enviromental factors

لو اتعرض الطفل لبعض العوامل البيئية القوية ساعتها ممكن الجينات تنشط وتعبر عن نفسها ويظهر المرض ومن اهم العوامل دى انى اعطى الطفل لبن بقرى او اى منتجات البان قبل سن 6 شهور من عمر الطفل وده لان منتجات الالبان فيها بروتينات حيوانية جسم الطفل مش متعود عليها وجهاز المناعة لسة not well developed  فساعتها هابتعرف على البروتينات دى على انها اجسام غريبة ويهاجمها ووجدوا ان البروتينات دى قد تشبه شكل جزىء الانسولين واحيانا بتشبه شكل الخلايا المفرزة للانسولين beta cells of pancreas  يعنى جهاز المناعة هايضرب كمان الحاجات دى بسبب النشابه بينها وبين بروتينات الالبان الحيوانية وده اللى اسمه cross similarity  والنتيجة ان الخلايا اتدمرت وانتاج الانسولين توقف والسكر ارتفع ودخلنا فى dilemma  كبيرة اسمها diabetes type one

ده الشرح اللى هاتقوله لاى ست امها نصحتها وحماتها ميلت على ودانها وجارتها قالت لها ان لازم ولابد تدى للعيل زبادى ( وقال ايه تشيل وشه 🙂 قال يعنى عشان تقيل على معدة العيل او تديه جبنة عشان مش عارف الكالسيوم والبتاع . هى حرة بقى

قبل ال 6 شهور مش هاتقوى عظام طفلك ومش هاتخلي صحته حلوة ولا هتحافظى على وزنه . حضرتك هاتخليه مريض سكر يتعالج بالانسولين مدى الحياة 🙁

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *