مرض مؤمن زكريا
مرض مؤمن زكريا

مرض مؤمن زكريا – التصلب الجانبى الضمورى

مرض مؤمن زكريا – التصلب الجانبى الضمورى

 

لما شفت مؤمن زكريا واحمد عز بيكرمه على المسرح والله انا بكيت وزعلت وفى نفس الوقت خفت !! فكرة انك فى نعمة من الله واذ فجاة والعياذ بالله تمتحن فى صحتك بشكل مفاجىء وقاسى فدى فكرة مرعبة وتخليك تحس أد ايه انت عايش ومستسهل نعم ربنا عليك وانك محتاج عمر فوق عمرك متفارقش فيه سجادة الصلاة عشان تشكر ربنا على نعمة الصحة وبرضه مش هاتوفى النعمة شكرها .
هو مؤمن زكريا متشخص بايه ؟؟ نفس مرض ستيفن كوهكينج . مرض اسمه ALS . يعنى Amyotrophic Lateral Sclerosis . بالعربى اسمه التصلب الجانبى الضمورى .
المرض ده هو مرض عصبى . بيصيب الاعصاب الحركية Motor Neurons .
الاعصاب الحركية هى مجموعة من الاعصاب بتشيل الاوامر من الجهاز العصبى المركزى سواء مخ او نخاع شوكى وتروح توصل الاوامر دى الى Skeletal Muscles وبالتالى العضلة تتلقى الاشارة العصبية وتروح منقبضة ومن هنا تقدر تتحكم فى عضلات جسمك لان ال Skeletal Muscles دى عضلات ارادية .
تقدر تحركها بمزاجك ووقت ما انت عايز وبالطريقة اللى انت حاببها .
لو الاعصاب اللى جاية من المخ هى اللى باظت هاتعمل مشاكل فى العضلات الارادية . هلاقى العضلة بتتشنج وتقفش Spasticity .
مرض مؤمن زكريا
مرض مؤمن زكريا

 

وعشان كدة اول كلمة من المرض هى : التصلب .
لو الاعصاب اللى جاية من النخاع الشوكى هى اللى باظت هاتعمل مشاكل فى العضلات الارادية .
هتلاقى العضلة حجمها صغر وضمرت وضعفت وعشان كدة هتلاقى ثالث كلمة فى المرض هى : الضمورى . فى الاول الشخص بيتعب وهو طالع السلم او بيقوم من الكرسى بتاعه لان عضلات رجله ضعيفة .
بيتعب وهو بيزرر القميص او بيدور مفتاح العربية لان عضلات ايديه ضعيفة وهكذا
الكلمة اللى فى النص هى Lateral لان االعضلات بتتأثر فى نصف واحد فقط من الجسم .
المرض ده مشكلته انه Chronic and Progressive .
يعنى العضلات المتأثرة هاتبوظ اكثر وتضعف اكثر وتضمر اكثر مع الوقت والعضلات السليمة هاتبوظ هى كمان ومع الوقت عضلات جانبى الجسم هايضعفوا وتلاقى الشخص مش قادر يمشى اصلا ولا قادر يتكلم ولا قادر يبلع اكله ولا حتى قادر يبلع ريقه ( تلاقيه بيريل على برة ) وفى الاخر مش قادر يتنفس ( متنساش انك ممكن تتحكم اراديا فى التنفس )
المرض ده ممكن يكون Familial وده بنسبة 10 % يعنى فيه ناس فى العيلة عندهم نفس المرض اما 90 % الباقيين بيسموهم Sporadic لان مش معروف ايه السبب .
بس ناس تقولك التدخين او الكحوليات او ال Heavy Metals او الشوارد الحرة او اصابات الدماغ ممكن يكونوا اسباب . كمان لوحظ ان اغلب المرضى من لعيبة كرة القدم وفيه ابحاث بتقول ان فيه علاقة بين الرياضات العنيفة زى كرة القدم وبين الامراض العصبية زى ALS
المرض بيظهر بعد سن ال 50 غالبا وفيه ناس بيظهر معاهم قبل سن ال 25 ودول اسمهم Juvenile ALS . وغالبا المريض بيموت فى خلال 5 سنين بعد التشخيص بس طبعا دى مش قاعدة لان ستيفن هوكينج جاله المرض وهو 21 سنة وتوفى وهو 76 سنة ( خالف كل التوقعات ساعتها ) .
للاسف المرض ملوش علاج 
علاجه الوحيد اللى واخد ابروفال هو Riluzole وده بيقلل من تطور الاعراض ولكن مش بيعالج المرض ولا بيمنع الاعراض اللى بالفعل ظهرت وبيقال انه بيزود ال Survival بمقدار 3 شهور !!!!! والعلاج بيتاخد مع علاج طبيعى واخصائى تخاطب وطبيب نفسى . فيه أدوية تانية ممكن تتاخد عشان الم الاعصاب زى Pregabalin or Gabapentin وممكن يتاخد مسكنات NSAIDs وممكن يتاخد TCA عشان تعالج الاكتئاب وكمان تمنع اللعاب اللى المريض مش بيعرف يبلعه زى الناس العادية وكمان بيقلل من الم الاعصاب .
طبعا لو المريض عانى من مشاكل فى البلع بيتركب له انبوب للتغذية Feeding Tube ولو عانى من مشاكل فى التنفس بيتحط على جهاز تنفس صناعى وده غالبا بيموت 
اغلب المرضى بيموتوا بسبب respiratory failure او بسبب Aspiration Pneumonia لانهم مش بيعرفوا يبلعوا كويس وممكن الاكل يدخل فى الجهاز التنفسى ويعمل التهاب رئوى يودى بحياتهم 
ربنا يشفيك يا مؤمن ويشفى كل مريض ويعافينا جميعا ويجعلنا من الحامدين الشاكرين على نعمه وافضاله علينا .
بقلم د. نرمين احمد 

مرض ستيفن هوكينغ | مرض ال ALS –

مرض مؤمن زكريا

مرض ال ALS .. تقلص الشرايين العضلي ما تأثير المرض على جسم الإنسان مرض مؤمن زكريا

 

تقييم المستخدمون: كن أول المصوتون !

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *